Flour-de-l'amour
Delphinium ajacis
Ranunculaceae
Àutri noum : Flour-d'amour, Capouchin, Flour-de-capouchin, Guihèume.
Noms en français : Dauphinelle cultivée, Dauphinelle d'Ajax.
Descripcioun :Poulido planto que fai à l'óurigino de flour bluio mai que se pòu trouba en rose o blanc. Es en generau ramificado e se recounèis subretout à si fueio proun divisado en tros prim. S'istavo, à passa tèms en Prouvènço dins li champ de blad, à l'ouro d'aro, èi subretout li formo ourtouliero que se rescontron.
Usanço :La flour-de-l'amour es uno planto proun empouisounanto, subretout li grano, que caup d'alcalouïdo. Ei poussible de se n'en servi pèr tua li pesou. Parèis que li Cherokee la prenien, en tisano, pèr sougna li mau de cor.
Port : Grando erbo
Taio : 20 à 80 cm
Fueio : alterno
Tipe bioulougico : Teroufite
Cicle bioulougico : Planto de l'an
Gènre : Delphinium
Famiho : Ranunculaceae
Ordre : Ranunculales
Coulour de la flour :
Bluio
Petalo : irreguliero
Ø (o loungour) flour : Pancaro entresigna
Flourido :
Estiéu
Sòu : Ca
Autour basso e auto : 0 à 1200 m
Aparado : Noun
Liò : Escoumbre e proche dis oustau
- Champ
Estànci : Mesoumediterran à Mesoumediterran
Couroulougi : Eurimediterrano
Ref. sc. : Delphinium ajacis L., 1753
(= Consolida ajacis (L.) Schur, 1853 )
Barbanto
Anemone alpina subsp. alpina
Ranunculaceae
Àutri noum : Bóumiano, Boumània, Barbudo.
Noms en français : Anémone des Alpes, Pulsatille des Alpes.
Descripcioun :La barbanto es uno planto coumuno de relarg de mountagno souto li mèle o pu aut sus lou roucas. Se recounèis à si flour blanco, à si fueio proun decoupado à countour de triangle e subretout à si fru.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 10 à 30 cm
Fueio : alterno
Tipe bioulougico : Emicriptoufite
Cicle bioulougico : Planto renadivo
Gènre : Anemone
Famiho : Ranunculaceae
Ordre : Ranunculales
Coulour de la flour :
Blanco
Petalo : >6
Ø (o loungour) flour : 2,5 à 4 cm
Flourido : Printèms
- Estiéu
Sòu : Ca
Autour basso e auto : 1200 à 2800 m
Aparado : Noun
Abriéu à juliet
Liò : Pelouso
Estànci : Subaupen à Aupen
Couroulougi : Ouroufito-Éuroupenco
Ref. sc. : Anemone alpina subsp. alpina L., 1753
(= Pulsatilla alpina (L.) Delarbre, 1800 )
